Erfolgreiches Festwochenende am EMF 2026
Die Musikgesellschaft Scherzingen blickt auf ein ereignisreiches Eidgenössisches Musikfest in Biel zurück.
Frühmorgens am Freitag des Auffahrtswochenendes startete die Reise mit dem Car via Bern nach Biel. Nach dem Bezug des Instrumentendepots und dem Wechsel in die Uniformen galt die volle Konzentration dem Wettspiel. Auf der grossen Bühne im Kongresshaus Biel spielte die MG Scherzingen gross auf und begeisterte das Publikum. Die Jury honorierte die Leistung in der Unterstufe der Unterhaltungsmusik (Harmonie) mit sehr guten 177,00 Punkten, was den 5. Rang von 14 Vereinen bedeutete.
Nach einer intensivem Vorprobe folgte die Parademusik mit Evolutionen. Trotz einer langen Wartezeit bei kühlen Temperaturen und der Ungewissheit über einen möglichen Regenschauer sass die Choreografie perfekt. Mit 92,66 von maximal 100 Punkten sicherte sich der amtierende Thurgauer-Meister in dieser Kategorie den starken 8. Rang von 20 Musikvereinen.
Nach intensiven und hochkonzentrierten Stunden konnte man das Musikfest mit feinen Getränken beim Nachtessen und der Rangverkündigung bei Musik und Tanz geniessen. Nach einer kurzen Nacht im Nachtlager in Bern und einem gemütlichen Samstag auf dem Festgelände liessen die Musikantinnen und Musikanten das gelungene Wochenende bei einer Weindegustation in Twann, Rebgebiet direkt am Bielersee, ausklingen. Müde, aber stolz und zufrieden trat die MG Scherzingen die Heimreise an.
Und no di ned so klassische Verison:
Früeh isches gsi, am Morge am sechsi. De Car isch au cho, do simmer froh. De Weg isch wiit, aber mir hend viel Ziit. Super simmer gfahre, uf das Biel abe. Mit Zwüschestop in Bern, den döt hemmer Spaghetti gern. Gfunde hemmers schnell, üses Instrumentendepot, det hemmer alls chöne stoh loh. Erschts erkunde, wo ischs WC? Oder: Hesch du dä Bierstand scho gseh? Mit Bier muesch no warte, zersch müemer recht starte! Jetz id Uniform schlüüfä, zum chic sii uf de Bühnä. I de Vorproob laufts recht guet, oder bruucht de eint doch nochli Muet? Das mirs chönnd, das wüssed mir. Los Jury jetzt zeigets mir dir! Bühni im Kongresshuus isch gross und s’Publikum famos. I wür sege es isch üs glungä, het echt s’Publikum fasch no mitgsungä? Ziit wo jetz jedä het, da chaner mache waner wet. Üebe weter nomol, üse Dirigent, dass mir au wüssed woner dure rennt. Oder gits nomol en letzte Drill? Er seit uf jedefall waner will. Richte, richte, richte! Pünktlich den zum Start simmer an Ort. Ganz exakt tüemer iistoh, aber den hends üs eifach warte loh. Finger früüred, Bei tüend weh, aber d’Freud cha üs keine neh! Endlich gohts los! Aber Rückwärts? Huch, was mached die blos? Natürlich chönd mir vorwärts au, das wär jo susch en supergau. Fürä hindrä rechts und links und rund im Kreis, jaja, es Bier das gits den eis! Würkli Rege hemmer nie gha, nu Konfetti hemmer regnä lah. So Musig mache git Durscht! Und no dezue e feini Wurscht. De Obig isch scho gli verbii, aber schön ischs gsi! S’Nachtlager in Bern het de Car guet gfunde, aber es paar hend doch no müese d’Stadt erkundä.
Frisch und munter sitzed alli am Morgä bimä feine Zmorgä. Zrugg uf Biel, das isch de Plan, det luegt jedä waner mache chan. Zrugg as Fescht oder doch id Stadt, i bi sicher, jedä hets glatt! Nochdem jedä gmacht het waner chan, gohts den wiiter uf Twann. Wii gits det zum degustiere, oder wotsch doch lieber vom Zvieriplättli probiere? Satt und platt vom Tag gohts den heizue mitem Car. Müed und zfreideä simmer zrugg, das isch doch schö gsi, die Uffahrtsbrugg!
MG Scherzingen feiert Erfolg am Kantonalen Musiktag 2025
Am Samstag 17.05.2025 reiste die Musikgesellschaft Scherzingen nach Dussnang-Oberwangen zum Kantonalen Musiktag, um ihr Können nach einer langen und intensiven Probephase vor der Jury vorzutragen. Beim Wettspiel in der Kirche, welches am Samstagmorgen vorgetragen wurde, erreichte die MG Scherzingen gute 79 Punkte. Die ganze harte Arbeit sollte sich am Samstagabend um 18 Uhr bezahlt machen. Diszipliniert und optimal vorbereitet lieferten alle Musikantinnen und Musikanten ihr Können bei der Parademusik mit Evolutionen ab. Knapp 15 Minuten vollste Konzentration wurden mit sehr guten 93 Punkten belohnt. Da die MG Scherzingen die erste von vier Vereinen in dieser Disziplin war, begann nun das bange Warten. Keiner der anderen Vereine vermochte das Resultat zu toppen und so war der Sieg perfekt! Die Freude über den Triumph war immens und es gab kein Halten mehr. Der Sieg wurde im Festzelt noch kräftig gefeiert und dieser Tag wird wohl in sehr guter Erinnerung bleiben.